2014 jyly Turǵyn úı qurylys jınaq banki halyqqa kredıt berý josparyn 163%-ǵa artyq oryndady. Jyljymaıtyn múlik satyp alýǵa salymshylar alǵan zaemnyń jalpy somasy 97 mlrd. 826 mln. teńge boldy. Ótken jyly Turǵyn úı qurylys jınaq bankinen 17 645 adam ulttyq valútada kredıt alǵan.
QR Ulttyq Bankiniń málimetteri boıynsha, 2014 jyly ekinshi deńgeıli bankter 294 mıllıard 980 mıllıon teńge kredıt bergen. Onyń 33% nemese 97 mıllıard 826 mıllıon teńgesi QTQJB klıentterine berilgen. 01.01.2015 j. jaǵdaı boıynsha, qurylysqa jáne úı satyp alýǵa arnalǵan ekinshi deńgeıli bankterdiń kredıt qorjyny 991 mlrd. 663 mln. teńge boldy. Onyń ishinde QTQJB-nyń úlesi – 20,6% nemese 203 mlrd. 793 mln. teńge. Bul málimetter Turǵyn úı qurylys jınaq banki zaemdarynyń jyl ótken saıyn halyqqa qajet bolyp kele jatqanyn kórsetedi.
39,9% úlespen, halyqtyń uzaq merzimdi salymdaryn tartý boıynsha da QTQJB jetekshi orynǵa ıe bolyp otyr. 2014 jyly 178 986 turǵyn úı qurylys jınaq sharty jasaldy. Bul 2013 jylǵy kórsetkishke qaraǵanda 68%-ǵa kóp. 2015 jyldyń 1 aqpanynda QTQJB salymshylarynyń jınaq aqshasy 252 mlrd. teńgege jetti.
Bank «Qoljetimdi turǵyn úı–2020» baǵdarlamasyn júzege asyrý qarqynyn tómendetken joq. Banktiń baspasóz qyzmetiniń habarlaýynsha, QTQJB – baǵdarlamanyń «Jas otbasyǵa arnalǵan turǵyn úı» jáne «Halyqtyń barlyq sanatyna arnalǵan turǵyn úı» atty eki baǵytynyń operatory. Ótken jyldyń qorytyndysy boıynsha, jalpy aýdany 429,3 myń sharshy metr bolatyn turǵyn úı (baǵdarlamada qarastyrylǵandaı, orta eseppen alǵanda, turǵyn úıdi paıdalanýǵa berýdiń jyldyq jospary – 300 myń sharshy m.) nemese 7 033 páter paıdalanýǵa berilgen.
Turǵyn úı qurylys jınaq bankiniń aıtýynsha, 2015 jyly teńgeleı zaem berý jumystary belsendi túrde qolǵa alynbaq. Bank bolashaqta da ulttyq valútamen kredıt berý kólemin arttyrýǵa nıetti. «Banktiń barlyq aktıvteri – teńgede, mindettemelerge de ulttyq valútada qyzmet kórsetiledi», – deıdi bank ókilderi. Sondyqtan turǵyn úı qurylys jınaq júıesi turaqty. Valúta baǵamy ózgeristeriniń áseri joq.
Esterińizge sala ketsek, «Qazaqstannyń turǵyn úı qurylys jınaq banki» AQ – «Báıterek» Ulttyq basqarýshy holdıńi» AQ-nyń enshiles kompanıasy. Holdıń ekonomıkany damytý jáne ártaraptandyrýǵa yqpal etý, ınvestısıa tartý, klasterlerdi damytý jáne onyń enshiles uıymdarynda korporatıvtik basqarý júıesin jetildirý maqsatymen qurylǵan.
